Download App Now

Best City in India: విశ్వనగరంగా ఎదుగుతోన్న హైదరాబాద్ నగరం.. ఇండియాలోనే బెస్ట్ సిటీగా నిలిచింది. అది కూడా పూణే, బెంగళూరు లాంటి సిటీలను వెనక్కి నెట్టేసి మరీ అత్యుత్తమ నగరంగా నిలిచింది. అయితే.. బెస్ట్ సిటీగా నిలవటం 2015 నుంచి హైదరాబాద్‌కు ఇది ఆరోసారి కావటం విశేషం. ఈ విషయాన్ని మాజీ మంత్రి కేటీఆర్ ట్విట్టర్ ద్వారా పంచుకున్నారు. అయితే.. "మెర్సర్" అనే అమెరికాకు చెందిన కన్సల్టెన్సీ, ఆర్థిక సేవల సంస్థ తాజాగా ఉత్తమ జీవన ప్రమాణాలతో కూడిన ప్రపంచ నగరాల ర్యాంకింగ్స్‌ను రిలీజ్ చేసింది. ఈ ర్యాకింగ్‌లో ఇండియా నుంచి హైదరాబాద్, పూణ్, బెంగళూరుకు చోటు దక్కింది. అయితే.. హైదరాబాద్‌కు 153వ స్థానం దక్కగా.. పూణే 154, బెంగళూరు 156వ స్థానంలో ఉండటం గమనార్హం. ఇక చెన్నై 161, ముంబై 164, కోల్‌కత్తా 170 స్థానాల్లో ఉండగా.. దేశ రాజధాని ఢిల్లీ అయితే 172 స్థానానికే పరిమితమైంది.

Real Broker Properties

మెర్సర్‌ సంస్థ విడుదల చేసిన ర్యాకింగ్స్ మీద కేటీఆర్ తన ట్విట్టర్ అకౌంట్ ద్వారా స్పందించారు. మెర్సర్ ర్యాకింగ్స్‌లో హైదరాబాద్ నగరం పూణేను, బెంగళూరును వెనక్కి నెట్టి బెస్ట్ సిటీగా నిలిచిందంటూ.. ఓ ఇంగ్లీష్ వెబ్ సైట్ రాసిన కథనాన్ని స్క్రీన్ షాట్ తీసి.. ఆ ఫొటోను పంచుకుంటూ ట్వీట్ చేశారు. భారతదేశంలో మరోసారి హైదరాబాద్ నగరమే అత్యుత్తమ నగరంగా నిలిచిందని హర్షం వ్యక్తం చేశారు కేటీఆర్. 2015 నుంచి ఇండియాలో బెస్ట్ సిటీగా నిలవడం హైదరాబాద్‌కు ఇది ఆరోసారి అని కేటీఆర్ పేర్కొన్నారు. ఈ సందర్భంగా.. హైదరాబాదీలకు అభినందనలు అంటూ కేటీఆర్ ట్వీట్ చేశారు.

అయితే.. జీవన ప్రమాణాల పరంగా మెర్సర్ వెల్లడించిన అత్యుత్తమ నగరాల ర్యాకింగ్స్‌లో ఆస్ట్రియా రాజధాని వియన్నా టాప్‌లో నిలిచింది. ఈ జాబితాలో స్విట్జర్లాండ్ నగరం జ్యూరిచ్‌ రెండో స్థానం, న్యూజిలాండ్ నగరం ఆక్లాండ్‌ మూడో స్థానంలో నిలిచాయి. అత్యంత దారుణమైన నగరాలుగా ఎన్ జమేనా (చాద్), బెంగుయి (సెంట్రల్ ఆఫ్రికన్ రిపబ్లిక్), ఖర్టూమ్ (సూడాన్) ర్యాంకింగ్‌లో అట్టడుగున ఉన్నాయి.

Real Broker Properties